Район башлыгы Kazan Digital Week халыкара форумында катнаша

21 сентябрьдән 24 сентябрьгә кадәр "Казан экспо" мәйданчыгында Kazan Digital Week халыкара форумы уза. Анда 32 чит илдән катнашучылар килүе көтелә. Форум циффрлаштыру елы кысаларында уза. Циффрлы интеллектуаль технологияләрне эшләүчеләр һәм кулланучыларга юнәлдерелгән чара "Интеллектуаль транспорт системалары", "Циффрлы Индустрия 4.0", "Кибер иминлек", "Экосистема финтех" һ.б. юнәлешләр буенча уза. Мастер-класслар, күргәзмә, тематик секцияләр, панель дискуссияләр, түгәрәк өстәлләр планлаштырылган. Бүген, форумның беренче көнендә, аның эшендә Зәй районы башлыгы Р.Г. Кәримов та катнаша.