Зәй районында танылган татар галиме, мәгърифәтче, табиб, тарихчы Таҗетдин Ялчыгол укулары узды

Бүген Зәйдә танылган татар галиме, мәгърифәтче, табиб, тарихчы Таҗетдин Ялчыгол истәлегенә багышланган тугызынчы республика фәнни-гамәли конференциясе узды. Чара Куш-Елга авылындагы «Хәзрәт Чишмәсе»н караудан башланды. Район башлыгы Разиф Кәримов авыл халкына, килгән кунакларга үзенең сәламләү сүзләрен җиткерде. «Хәзрәт Чишмәсе» территориясен төзекләндерү эшләрен сыйфатлы һәм вакытында башкарган подрядчы оешма җитәкчесе Хәлим Мостафин һәм аның хезмәткәрләренә Рәхмәт хатлары тапшырды. Аннан соң чарада катнашучылар Имәнлебаш авылына килделәр, анда Таҗетдин Ялчыгол каберендә булдылар, мәчеттә җомга намазы укылды. Конференциядә катнашучылар Таҗетдин Ялчыголның тормышына һәм иҗатына багышланган экспозицияләр белән таныштылар. Утырышның пленар өлеше мәдәният йортында үтте. Кунакларны район башлыгы Разиф Кәримов сәламләде, ул зәйлеләрнең Ялчыгол мирасын өйрәнү, саклау һәм популярлаштыру буенча зур эше турында сөйләде, шундый әһәмиятле чарада катнашулары өчен барысына да рәхмәтен җиткерде. Конференциядә катнашучыларга сәламләү сүзе белән Татарстан Республикасы Президенты каршындагы Мәдәниятне үстерүгә ярдәм итү фондының башкарма директоры Нурия Миңнәхмәт кызы Һашимова мөрәҗәгать итте. Шулай ук конференциядә катнашучыларны ТР мөселманнары Диния нәзарәтенең баш казые Җәлил хәзрәт Фазлыев сәламләде. Татар халкы тормышында Таҗетдин Ялчыголның роле һәм аның фәнни хезмәтләрен популярлаштыру турында төп докладлар белән Казан дәүләт федераль университеты профессоры, академик, филология фәннәре докторы Хатыйп Йосыф улы Миңнегулов, Татар энциклопедиясе һәм төбәкне өйрәнү институты директоры, тарих фәннәре докторы Искәндәр Аяз улы Гыйләҗев, археолог, Татарстан Республикасы Фәннәр академиясе мөхбир әгъзасы Фаяз Шәрип улы Хуҗин, ТР Фәннәр академиясенең Шиһабетдин Мәрҗәни исемендәге Тарих институты өлкән фәнни хезмәткәре, Айдар Марсель улы Гайнетдинов, язучы, Санкт-Петербург фәннәр һәм сәнгать академиясе мөхбир әгъзасы Марсель Мөхәммәтша улы Гарипов чыгыш ясады. Таҗетдин Ялчыгол нәселен дәвам итүчеләр исеменнән чираттагы укуларны югары дәрәҗәдә оештырган өчен рәхмәт сүзләрен Алсу Талипова җиткерде. Конференция эшендә ТРсы Президентының Эчке сәясәт мәсьәләләре департаменты Дини берләшмәләр белән үзара хезмәттәшлек идарәсенең дәүләт-конфессиональ мөнәсәбәтләр бүлеге баш киңәшчесе Раил Рафаил улы Гомәров катнашты.