"Мәгариф" милли проекты - яңа белем бирү үзәкләре, яңа мөмкинлекләр

Зәй муниципаль районында «Мәгариф» милли проекты кысаларында чараларны тормышка ашыру дәвам итә. Районда бүгенге көндә 10 мәктәп базасында «Үсеш ноктасы» дигән табигый-фәнни һәм технологик юнәлештәге мәгариф үзәкләре ачылган. Агымдагы елда мәгариф үзәкләре Зәй шәһәренең 6 нчы һәм 7 нче мәктәпләре базасында ачылды. Аларга оргтехника, химия, физика һәм биология кабинетлары өчен заманча җиһазлар китерелде, кабинетларда ремонт эшләре башкарылды. 6 нчы мәктәп директоры Исрафилова Вәсилә Кәрим кызы билгеләп үткәнчә, әлеге проектны гамәлгә ашыру балаларның сәләтләрен үстерергә мөмкинлек бирәчәк. Үзәккә кергән заманча җиһазлар һәм циффрлы лабораторияләр ярдәмендә мәктәпләр автоматика һәм программалаштыру, робототехника һәм электроника, химия һәм биология буенча тирән белемнәр алачаклар. «Үсеш ноктасы» үзәге гомуммәдәни кыйммәтләрне, циффрлы грамоталылыкны, проект эшчәнлеген, балаларның, педагогларның, ата-аналар җәмәгатьчелеген иҗади тормышка ашыруны үстерү өчен мөһим һәм укучыларда заманча компетенцияләр һәм күнекмәләр булдыруны тәэмин итәргә тиеш. Үзәк эшчәнлегенең төп максаты-белем бирү сыйфатын күтәрү өчен шартларны камилләштерү, белем бирү предметларын һәм өстәмә белем бирү программаларын үзләштерүдә укучыларның мөмкинлекләрен киңәйтү. Дәрестән тыш вакытта «Үсеш ноктасы» үзәгенең ишекләре педагоглар һәм укучылар өчен дә, ата-аналар җәмәгатьчелеге өчен дә ачык булачак.