Зәйдә атналык авыл хуҗалыгы ярминкәләре башланды

Бүген, 2022 елның 03 сентябрендә, «Энергетик» мәдәният сарае мәйданында атналык авыл хуҗалыгы ярминкәләре ачылды. Традицион рәвештә зәйлеләргә авыл хуҗалыгы җитештерүчеләре, фермерлары, шәхси хуҗалыклар продукциясен тәкъдим иттеләр. Ярминкәләрдә бәяләр базар бәяләреннән түбән, ә продукция табигый, бу шәһәр кешеләрен җәлеп итә. Әйтик, «Зәй» агросәнәгать паркы эре мөгезле терлек ите, шәхси эшмәкәр Халиков Л.И. һәм шәхси ярдәмче хуҗалыклар Тимерханов Г. Р. - тавык ите, Рамазанов Р. Г. һәм Үтяев Р. Р. - бал, Таҗиев А.А. - шикәр комы һәм он, Галиуллин Р. Г. һәм Степанова П.П. КФХ лары - ашлык сатты. Шулай ук халык сораган башка авыл хуҗалыгы продуктлары да тәкъдим ителде. Фермерлардан һәм авыл кешеләреннән тыш, үз товарларын үзешчән бакчачылар тәкъдим итте. Теләге булганнар җиләк-җимеш үсентеләрен сатып ала алдылар.