Зәй егете-Идел буе федераль округы ярышларында 2 урынны яулады

19-21 августта Ижау шәһәрендә Идел буе федераль округы чаңгычылары-узышчылары арасында 2004 елгы һәм аннан яшьрәк егетләр һәм кызлар арасында гомумфизик әзерлек буенча җәйге ярышлар узды, анда Олимпия чемпионы Ф.П. Симашев исемендәге олимпия резервы спорт мәктәбендә тәрбияләнүчеләр катнашты. 2005-2006 елгы һәм аннан кечерәк егетләр арасында кросс буенча ярышларның беренче көнендә Бирюков Вадим 2 нче урынны яулады. Тренеры- Габидуллин Рәкыйф Марс улы.