Район башлыгы Бөек Ватан сугышы ветеранын туган көне белән котлады

Бүген Бөек Ватан сугышы ветераны, Татарстан энергетикасы ветераны, Зәй муниципаль районының Мактаулы гражданины Леонид Мачтаковка 99 яшь тулды. Фронтовик күп санлы котлаулар алды. Район башлыгы Разиф Кәримов сугыш ветеранын өенә барып котлады, аның зәйлеләр өчен үрнәк булуын билгеләп үтте. Разиф Галиевич Леонид Яковлевичка энергетика тармагын үстерүгә керткән зур өлеше өчен рәхмәт белдерде, Татарстан Республикасы Дәүләт Советы Рәисе Фәрит Мөхәммәтшинның котлау открыткасын тапшырды. Ветеранны шулай ук Зәй ГРЭСы директоры Дмитрий Прохоров, район ветераннар Советы рәисе Алексей Алексеев, хәрби комиссариат вәкиле, яшь армиячеләр һәм яшь артистлар котлады. Шулай ук ул үзенең туган предприятиесе-Зәй ГРЭСында булды, анда музей һәм башка җитештерү объектларын карады.