"Зәй әбисе" - “Әйдә, ШаяРТ” татар КВН лигасы финалы җиңүчесе

17 авгутта Казанның Халыклар дуслыгы йортында “Әйдә, ШаяРТ” татар КВН лигасының финалы узды. Финалда республикадан алты команда – “Зәй әбисе”, “Профкәмит”, “Нәмәкәй”, “Тукай”, “Челны-Бройлер” һәм “Керәшеннәр” командалары үзара ярышты. Бик көчле уен булды һәм “Зәй әбисе” янә үзенең көчле, талантлы, иҗади эшләүче команда булуын күрсәтте! “Керәшеннәр” командасы белән “Зәй әбисе” бер тигез баллар җиңеп, беренче урынны алдылар. Жюри составында Илшат Әминов, Венера Ганиева, Җәвит Шакиров, Айваз Садыйров, Илназ Сафиуллин кебек күренекле шәхесләр командалар чыгышын бәяләде. Афәрин, “Зәй әбисе”, сынатмадыгыз! Иҗат мәйданында сезгә тагын да зуррак уңышлар телибез!