Район башлыгы авыл хуҗалыгы тармагы эшкәртү сәнәгате предприятиеләрендә булды

Зәйдә район җитәкчелегенең хезмәт коллективлары белән очрашулары дәвам итә, анда халыкны районның агымдагы торышы һәм үсеш перспективалары белән таныштыралар. Бүген район башлыгы Разиф Кәримов «Зәй шикәре» ААҖ һәм «Зәй элеваторы» ҖЧҖ хезмәт коллективлары белән очрашты. Разиф Галиевич предприятие хезмәткәрләренә районның социаль-икътисади үсеш нәтиҗәләре һәм перспективалары турында мәгълүмат бирде. Шикәр заводының шикәр кайнату сезоны башлануга әзерлеге турында «Агрокөч» АҖ генераль директорының «Зәй шикәре» ААҖ эшчәнлеге мәсьәләләре буенча урынбасары Антон Трошин сөйләде. Сезон вакытында 1млн 233 мең тонна чөгендер эшкәртү планлаштырыла, 195,5 мең тонна шикәр, 57 мең тонна гранулалы жом, 51 мең тонна меласса җитештереләчәк. Зәй элеваторының баш инженер- җитештерү башлыгы Рамил Хәбибрахманов агымдагы эшләре һәм үсеш перспективалары турында сөйләде. Нәтиҗә ясап, Разиф Галиевич ике предприятие хезмәткәрләренә дә яңа сезонда уңышлар теләде, кадрлар мәсьәләсен хәл итү һәм хезмәт хакын арттыру буенча үз киңәшләрен бирде.