Зәйдә чөгендер җыю техникасы кабул ителде

Бүген «АгроКөч –сервис» АҖнең 5нче номерлы ремонт цехы базасында район башлыгы Р.Г. Кәримов, «Агрокөч» АҖ генераль директорының «Агрокөч сервис» АҖ эшчәнлеге мәсьәләләре буенча урынбасары П. В. Чаплыгин катнашында чөгендер җыю техникасы кабул ителде. Комбайннарны һәм төягечләрне кабул иткәндә руль идарәсенең һәм тормоз системасының төзеклегенә, ут һәм тавыш сигнализациясенең торышына, шиналарны эшләтеп җибәргәндә двигательне эшләтеп җибәрүнең торышына, тракторчы – машинист таныклыгының булуына, медицина аптечкалары һәм ут сүндергечләр белән тәэмин ителешенә аерым игътибар бирелде. Кабул итүгә 18 берәмлек техника тәкъдим ителде-14 комбайн, 4 төягеч. Техник тикшерүне узу турында таныклык барысына да бирелде. Район башлыгы Разиф Кәримов техниканы караганнан соң механизаторлар белән аралашты, алар алдында торган бурычларны аңлатты, эшләрендә уңышлар теләде, куркынычсызлык техникасы буенча барлык таләпләрне үтәргә һәм шикәр чөгендерен югалтмыйча җыеп алырга өндәде. Шикәр чөгендерен 19 августта алып карарга ниятлиләр, ә 20 августта эш тулы күләмдә башланачак. Бу культура районда 8904 гектарда үстерелгән.