Зәйдә җитәкчеләрнең хезмәт коллективлары һәм шәһәр-районда яшәүчеләр белән очрашулары узды

Бүген 6 нчы урта мәктәп базасында район башлыгы Разиф Кәримов шәһәр һәм район предприятиеләре һәм хезмәтләре җитәкчеләре катнашында «Яңа шәһәр» микрорайонында яшәүчеләр белән очрашты. Район башлыгы җыелучыларны 2022 елның беренче яртыеллыгында районның социаль-икътисади үсеш нәтиҗәләре белән таныштырды, муниципаль, республика һәм федераль программаларны тормышка ашыру буенча башкарылган эшләр турында сөйләде. Шулай ук 2022 елның 1 яртыеллыгында Зәй шәһәрен төзекләндерү һәм үстерү, торак милекчеләре ширкәтләре һәм микрорайонда яшәүчеләрнең уртак эшләре, микрорайондагы оператив хәлләр турында чыгышлар тыңланды. Тормыш тәэмин итү хезмәтләре җитәкчеләре халыкны борчыган сорауларга тулы җаваплар бирделәр. Очрашуга район башлыгы Р. Г. Кәримов йомгак ясады. Шулай ук бүген җитәкчеләрнең хезмәт коллективлары белән очрашулары «Зәй крекеры» ЯАҖ, «Зәй урман хуҗалыгы» ДБУ, «Зәй урманчылыгы» ДКУ, «Благострой» ҖЧҖ, «Горзеленхоз» ҖЧҖдә узды. Поповка, Баграж авыл җирлекләрендә район башлыгы урынбасары П.С. Уразайкин, Александр бистәсе авыл җирлегендә район Башкарма комитеты җитәкчесе Э.Э. Галиев халык белән очрашты.