Район башлыгы Икътисадый советның күчмә утырышын уздырды

Бүген "Зәй балык хуҗалыгы" ҖЧҖ базасының сәнәгать зонасында район башлыгы Р.Г. Кәримов рәислегендә Икътисадый советның күчмә утырышы булды, анда «Зәй балык хуҗалыгы» ҖЧҖнең алга таба үсеше буенча бизнес-проект презентациясе каралды. Доклад белән «Зәй балык хуҗалыгы "ҖЧҖ директорының үсеш буенча урынбасары Дятлов Федор Анатольевич, "Зәй балык хуҗалыгы" ҖЧҖ директоры Никитин Александр Алексеевич чыгыш ясады. "Зәй балык хуҗалыгы" ҖЧҖ 2007 елда оешкан (әмма ул 1987 елдан башлап эшли) һәм Татарстанда карп һәм киң маңгай балыгы үстерү буенча бердәнбер җылылык-су хуҗалыгы булып тора. "Зәй балык хуҗалыгы" ҖЧҖ территориясендә гомуми мәйданы 22 гектар булган 22 буа урнашкан. Хәзерге вакытта хуҗалыкта 5 тоннага якын (карп, амур, сазан, киң маңгай, кәрәч) товар балыгы бар. Маймычлар махсус буаларга да җибәрелде, аларның саны 15 000 данә. Проектның максаты: товар балыгы һәм маймыч җитештерүне арттыру. Икътисадый совет утырышында «Татарстан Республикасы Эшкуарлыкка ярдәм итү фондының микрофинанслау үзәге» җитәкчесе урынбасары Гатауллин Рәмзил Ринат улы, Татарстан Республикасы Гарантия фондының бердәм кредит бирү үзәге җитәкчесе урынбасары Галиева Әлфинур Габделхак кызы, Татарстан Республикасы Инвестицион үсеш агентлыгының инвестиция проектларына экспертиза бүлеге башлыгы Алексеев Дмитрий Валерьевич, Татарстан Республикасы Авыл хуҗалыгы һәм азык - төлек министрлыгының умартачылык һәм аквакультура секторы мөдире Гатауллин Динар Һидиятулла улы катнаштылар һәм чыгыш ясадылар. Утырыш нәтиҗәләре буенча Икътисадый совет әгъзалары фикер алыштылар. Нәтиҗәләрне район башлыгы Разиф Кәримов ясады.