Район делегациясе ант итүгә багышланган тантаналы чарада катнашты

17 Зәй егете Әстерхан өлкәсенең Знаменск шәһәренең хәрби частендә хезмәт итә. 31 июльдә алар өчен истәлекле чара булды-яшь солдатлар хәрби ант кабул иттеләр. Шунысы куанычлы, бу мөһим чарада егетләрнең туганнары һәм якыннары да катнашты. Делегацияне район башлыгы урынбасары Петр Сергеевич Уразайкин җитәкләде. Хәрби частьта шулай ук районның хәрби комиссары Айрат Фоатович Әгъләмҗанов та булды. Район башлыгы Разиф Гали улы Кәримов исеменнән, зәйлеләрне Петр Сергеевич Уразайкин сәламләде, барлык солдатларны әлеге мөһим вакыйга-ант кабул итү белән котлады, уңышлы хезмәт итүләрен һәм исән-сау әйләнеп кайтуларын теләде. Хәрби хезмәткәрләргә азык-төлек пакетлары да тапшырылды.