"Татарстан Республикасында газ-мотор ягулыгы базарын үстерү" дәүләт программасы буенча семинар узды

Бүген хакимиятнең зур залында "Татарстан Республикасында газ-мотор ягулыгы базарын үстерү"дәүләт программасы буенча семинар узды. Чарада башкарма хакимият органнары вәкилләре, шулай ук предприятие, оешма җитәкчеләре катнашты. Семинарның темасы: "Татарстан Республикасында газ-мотор ягулыгы базарын үстерү". Утырышта түбәндәге мәсьәләләр каралды: техниканы яңадан җиһазлауга дәүләт субсидиясе бирү программасы, Татарстан Республикасында газ-мотор ягулыгы базарын үстерү, эре техника паркын яңадан җиһазлауның уңай һәм икътисадый нәтиҗәсе һ.б. мәсьәләләр каралды. Чарада катнашучылар алдында "Татарстан Республикасының ЦЭТ" дәүләт автоном учреждениесенең бүлек башлыгы Хәйруллин Илгиз Равил улы, "Газпром газомоторное топливо"ҖЧҖ Урта Идел филиалының коммерция бүлегенең әйдәп баручы белгече чыгыш ясадылар.