Зәй укучысы «Яңа исемнәр»халыкара җәйге иҗат мәктәбендә булды

11 июльдән 23 июльгә кадәр Зәй балалар музыка мәктәбе укучысы Бардина Ксения, укытучысы Селиверстова Зөлфия Харис кызы белән Суздаль шәһәрендәге «Яңа исемнәр» Халыкара җәйге иҗат мәктәбендә булдылар. 2021 елның октябрендә Ксения «Татнефть», Иветта Воронова исемендәге «Яңа исемнәр» хәйрия фондларының IIIнче мәдәни-хәйрия проекты стипендиаты булды һәм Суздаль шәһәренә бару өчен сертификат белән бүләкләнде. Гнесиннар исемендәге Россия музыка академиясе укытучысы, сәнгать белеме кандидаты Мочалова Екатерина Николаевна, Ксения белән биш мастер-класс үткәрде. Шулай ук "мәктәп" тә Россиянең алдынгы профессорлары һәм танылган музыкантлары белән иҗади очрашулар, лабораторияләр, концертлар һәм мастер-класслар оештырылды. Бу искиткеч проект катнашучыга иҗади яктан ачылу мөмкинлеге бирә, ә педагогка яңа белемнәр белән күнекмә ясарга ярдәм итә.