Зәй муниципаль районы территориясендә «Казанская» авыл (престольный) бәйрәмендә күчмә сәүдә оештыру турында хәбәр

2022 елның 18 июлендәге 14 номерлы Башкарма комитет карарын үтәү йөзеннән, 2022 елның 23 июлендә товарлар сату һәм хезмәтләр күрсәтү буенча эшчәнлекне гамәлгә ашыру өчен күчмә сәүдә оештырыла. Үткәрү урыны: Зәй муниципаль районы Якты Күл авыл җирлегенең Мәйдан биләмәсе. Мәйдан биләмәсендә үтә торган күрмә сәүдәнең эш режимы: 17.30 сәгатьтән – 23.00 сәгатькә кадәр. Күчмә сәүдәдә катнашучылар: Россия Федерациясе законнарында билгеләнгән тәртиптә теркәлгән юридик затлар, шәхси эшмәкәрләр, "Һөнәри керемгә салым" махсус салым режимын кулланучы физик затлар. Гаризалар 2022 елның 18 июленнән 22 июльгә кадәр кабул ителә. Күчмә сәүдәдә катнашучыларга товарлар сату һәм хезмәтләр күрсәтү эшчәнлеген башкару өчен сәүдә урыннары түләүсез бирелә. Сәүдә урыны электр энергиясе белән тәэмин ителмәгән. Башкарма комитет җитәкчесе исеменә гариза 2022 елның 22 июленә кадәр әлеге хәбәргә кушымтада бирелгән форма буенча Зәй муниципаль районы Башкарма комитетына Т.Chernova@tatar.ru электрон адресына түбәндәге документларны теркәп җибәрелә: - юридик затлар өчен - юридик зат турында белешмәләрне юридик затларның бердәм дәүләт реестрына кертү фактын раслый торган документның күчермәләре; - шәхси эшмәкәр өчен - шәхси эшмәкәр турында мәгълүматларны шәхси эшкуарларның бердәм дәүләт реестрына кертү фактын раслый торган документ күчермәләре һәм салым органында исәпкә кую турында таныклык; - "һөнәри керемгә салым" махсус салым режимын кулланучы физик зат өчен - физик затны һөнәри керемгә салым түләүче сыйфатында исәпкә кую турында белешмә күчермәсе. Гаризалар күчмә сәүдәдә катнашуга гаризаларны карау комиссиясе тарафыннан тикшерелә. Комиссия сәүдә урыны бирү һәм күчмә сәүдәдә катнашучылар исемлегенә кертү турында яисә сәүдә урыны бирүдән баш тарту турында карар кабул итә. Күчмә сәүдә объектлары заманча эстетик таләпләргә җавап бирергә һәм чаралар башланырга 1 сәгать кала эшкә әзер булырга тиеш. Сәүдә урыны бәйрәмчә бизәлергә, оешманың фирма атамасы, аның урнашкан урыны, юридик адресы, шулай ук юридик затның исеме, яисә шәхси эшмәкәрнең фамилиясе, исеме, әтисенең исеме (булса) күрсәтелгән элмә тактасы булырга тиеш. Күчмә сәүдәдә катнашучылар сәүдә урынын чүп-чар җыю өчен чүп савытлары белән тәэмин итәргә, чара үткәрү вакыты дәвамында чүп-чарны полиэтилен пакетларга җыеп, тәртип һәм чисталыкны сакларга тиешләр. Эш тәмамланганнан соң тирә-якны җыештыру һәм чүп-чарны чыгару тәэмин ителә. Товарлар сату түбәндәгеләр булганда гына гамәлгә ашырылырга тиеш: - сатучының фамилиясе, исеме, әтисенең исеме (булганда) күрсәтелгән шәхси карточкасы (бейдж); - сатучының шәхесен таныклый торган паспорты яки башка документы; - сатучының күчмә сәүдәдә катнашучы белән хезмәт яки гражданлык-хокукый мөнәсәбәтләрен раслый торган документы; - сатыла торган товарга тиешле документлары; - сатыла торган товарларның сыйфатын һәм куркынычсызлыгын раслый торган документлар (шул исәптән ярашлылык турында сертификатлар яки декларацияләр, яисә аларның билгеләнгән тәртиптә таныкланган күчермәләре, ветеринария таныклыклары, сыйфат таныклыклары); - сатучының шәхси медицина кенәгәсендә медицина тикшерүе узу турында билге (азык-төлек товарлары сатканда, җәмәгать туклануы хезмәтләре күрсәткәндә); - сулыш органнарын индивидуаль саклау чаралары (битлекләр, респираторлар); - санитар кием (халат, алъяпкыч, перчатка, баш киеме); - санитар кагыйдәләрне һәм шәхси гигиена кагыйдәләрен үтәү өчен шартлар (кул югыч, сабын, сөлге). Әлеге документлар сатучыда бәйрәмчә күчмә сәүдәдә товарлар сату (хезмәтләр күрсәтү) буенча эшчәнлек алып баруның бөтен вакыты дәвамында сакланырга һәм Россия Федерациясе законнарында каралган очракларда күчмә сәүдәне оештыручы, контрольлек итүче органнар һәм сатып алучылар таләбе буенча күрсәтелергә тиеш. Товарларны сатканда сатучы кулланучыга үз вакытында, күрсәтеп һәм аңлаешлы формада, товарларны дөрес итеп сайлап алу мөмкинлеге тудыру өчен товарлар һәм аларның җитештерүчеләре турында мәгълүмат бирергә бурычлы. Күчмә сәүдәдә сатыла торган товарлар законнарда билгеләнгән тәртиптә рәсмиләштерелгән бәяләр белән тәэмин ителергә тиеш. Ваклап сату рөхсәт ителми: - алкогольле продукция, сыра һәм сыра нигезендә җитештерелә торган эчемлекләр; пыяла савыттагы эчемлекләр; - тәмәке эшләнмәләре. Җәмәгать туклануы һәм азык-төлек товарлары белән ваклап сату объектлары товарлар салу өчен җитәрлек күләмдә лотоклар, бер тапкыр кулланыла торган савыт-саба, төрү материаллары, салфеткалар, эскәтерләр белән тәэмин ителергә тиеш. Күчмә сәүдәдә товарлар сату (хезмәтләр күрсәтү) эшчәнлеген тормышка ашырганда катнашучылар (сатучылар) бурычлы: - халыкның санитар-эпидемиологик иминлеген, янгын куркынычсызлыгын тәэмин итү, әйләнә-тирә мохитне саклау, ветеринария өлкәсендә кулланучылар хокукларын яклау турында Россия Федерациясе законнары таләпләрен үтәргә; - товарларның аерым төрләрен сатуга куелган таләпләрне үтәргә; - Россия Федерациясе законнарында каралган башка таләпләрне үтәргә; - чисталык һәм тәртипне сакларга, сәүдә урыны янында чүп-чар җыю өчен савытларны вакытында чистартырга; - предприятиенең профиле һәм специализациясе нигезендә азык-төлек продуктларының ассортимент исемлеген тәэмин итәргә; - Россия Федерациясе законнарында каралган очракларда товар өчен контроль-касса машиналарын кулланып сатып алучылар белән исәп-хисап ясарга; - чара тәмамланганнан соң ике сәгать эчендә сәүдә урынын бушатырга.