Салым йөкләмәләреннән хәбәрдар булу һәрвакыт кирәк

Гражданнар өчен бүгенге көндә үзләренең салым йөкләмәләреннән хәбәрдар булу актуаль. Салым бурычлары булу пенялар исәпләү, региональ һәм җирле бюджетлардан дәүләт ярдәме чараларыннан баш тарту, Россия Федерациясе читенә чыгу хокукын чикләү, суд приставлары хезмәтенең бурычны мөлкәт, банклар счетларындагы акчалар хисабына бурычын түләттерү кебек күңелсез нәтиҗәләргә китерә. Хәзерге вакытта салым түләүчеләргә недоимка һәм пенялар, штрафлар, процентлар буенча бурычлар турында мәгълүматны электрон почта яки СМС-хәбәрдә алу мөмкинлеге барлыкка килде. Моның өчен теләсә кайсы салым органына язмача ризалык бирү дә җитә: Россия Федераль салым хезмәте сайтының «физик затлар өчен шәхси кабинет» сервисы ярдәмендә электрон рәвештә nalog.gov.ru "элемтә өчен мәгълүмат-җайга салу" блогында; электрон рәвештә "ФЛ салымнары" мобиль кушымтасы аша «тормыш хәлләре буенча мөрәҗәгатьләр – башка ситуацияләр»блогында. кәгазьдә шәхсән (яки үз вәкиле аша), йә почта аша заказлы хат белән. Җибәрү турында хәбәрләр кварталга бер тапкыр башкарыла. Татарстан Республикасында сервис уңайлыгын һәм тоташтыруның гадилеген 78 меңнән артык салым түләүче бәяләде. Россия Федераль салым хезмәтенең Татарстан Республикасы буенча идарәсе әлеге хезмәттән файдаланмаучыларның барысына да якын арада теләсә нинди үтемле ысул белән хәбәр итүгә язмача ризалык бирергә тәкъдим итә.