Иктисадый Совет әгъзалары «Сәламәтлек комбинаты»эшчәнлегенә нәтиҗә ясадылар
Бүген «Сәламәтлек комбинаты» бинасында район Икътисадый Советының күчмә утырышы булды, анда 2022 елның 1 яртыеллыгында «Сәламәтлек комбинаты»ның эшчәнлеге нәтиҗәләре һәм 2022 елга перспектив үсеш планнары каралды. Пленар өлеш башланыр алдыннан Икътисадый Совет әгъзалары «Сәламәтлек комбинаты» биналарын карадылар, предприятие директоры Г.М. Әхмәтшина катнашучыларны төп икътисади күрсәткечләр белән таныштырды. Сәламәтлек комбинатының төп эшчәнлеге булып халыкка мунча хезмәте күрсәтү тора, 2022 елның беренче яртыеллыгында бу хезмәттән 6 469 кеше файдаланган. Өстәмә эшчәнлек төре-хезмәт күрсәтү кер юу, ягъни физик һәм юридик затларга кием-салымны юу һәм үтүкләү буенча хезмәт күрсәтү. Шулай ук, өстәмә керем алу максатыннан, предприятие хуҗалык алып бару хокукындагы биналарны арендага бирә. Аукцион сатулары беркетмәсе нигезендә 11 шәхси эшмәкәр белән килешүләр төзелгән. Район башлыгы Разиф Кәримов оешма җитәкчелеге алдына, нәтиҗәле эшчәнлеккә чыгу өчен, заманча таләпләргә җавап бирә торган өстәмә эшчәнлек төрләрен эзләү бурычын куйды.