Зәйдә коррупциягә каршы көрәш эшен координацияләү буенча район комиссиясе утырышы булды

Бүген хакимиятнең кече залында коррупциягә каршы көрәш эшен координацияләү буенча район комиссиясе утырышы булды. Утырыш барышында коррупциягә каршы көрәш мәсьәләләре буенча район башлыгы ярдәмчесе Т.В. Токмакова комиссия әгъзаларын һәм чакырылган затларны, коррупциягә каршы чараларны гамәлгә ашыру буенча Татарстан Республикасы муниципаль районнарының җирле үзидарә органнары эшчәнлегенең нәтиҗәлелеге мониторингы белән таныштырды. Эшмәкәрлек өлкәсендә коррупциягә каршы тору буенча күрелә торган чаралар турында Башкарма комитет җитәкчесе урынбасары Р.М. Архипова сөйләде. Моннан тыш, утырышта катнашучылар игътибарына Яшьләр эшләре буенча идарә башлыгы А.Ж. Кашапов районның яшьләр берләшмәләренең коррупциягә каршы эше турында, шулай ук район Башкарма комитетының торакны исәпкә алу һәм бүлү бүлеге башлыгы С. А. Филюшинаның муниципаль районда тормышка ашырыла торган программаларның барлык төрләре буенча торак бирү һәм исәпкә кую барышында коррупция килеп чыгу очракларын кисәтү турында хисабы тәкъдим ителде. Комиссия рәисе-район башлыгы Р. Г. Кәримов һәм Зәй шәһәре прокуроры Р. Р. Кәримов утырышка йомгак ясадылар, муниципаль һәм дәүләт хезмәтендә мәнфәгатьләр конфликтын булдырмау һәм җайга салу өлкәсендә законнарны үтәү кирәклегенә аерым игътибар бирелде.