Зәй муниципаль районында футбол үсеше турында

Татарстан Республикасында «Демография» милли проекты актив тормышка ашырыла. Гражданнар физик культура белән шөгыльләнү, сәламәт яшәү рәвеше алып бару мөмкинлегенә ия булсын өчен барысы да эшләнә. Зәй муниципаль районында спортның иң популяр төрләренең берсе-футбол, алар белән 5 яшьтән һәм аннан өлкәнрәкләр 250дән артык кеше шөгыльләнә. «Барс» спорт мәктәбендә тәрбияләнүчеләр яшүсмерләр командалары арасында футбол буенча Татарстан Республикасы беренчелеге, мини-футбол буенча Татарстан Республикасы беренчелеге, «Күн туп» Бөтенроссия ярышларының республика этабы җиңүчеләре һәм призерлары булып торалар. Шәһәрнең ир-атлар җыелма командасы беренче лига командалары арасында Татарстан Республикасы беренчелегендә катнаша. Ел саен һәвәскәрләр командалары арасында мини-футбол, футбол буенча район ярышлары үткәрелә. "Безнең районда футболны үстерү өчен менә дигән шартлар тудырылган. Анда профессионаллар да, һәвәскәрләр дә, өлкәннәр дә, балалар да уйный ала. Атнага нибары бер-ике сәгать, футбол уйнаганда, сәламәтлекне шактый ныгытырга һәм сәламәт яшәү рәвеше юлында беренче адым булырга мөмкин", - дип билгеләп үтә Зәй шәһәренең "Барс" ир-атлар җыелма командасы капитаны Красин Станислав. 2021 елда районда универсаль спорт мәйданчыклары һәм аз чыгымлы спорт корылмалары төзү программасы буенча, Татарстан Республикасы торак пунктларында ябык футбол манежы төзелде, ул «Спорт энергиясе»дип атала. Футбол манежын төзү-Зәй районы өчен массакүләм спортны һәм югары казанышлар спортын үстерүдә мөһим адым. Спорт мәктәбе, мәктәпкәчә учреждениеләрдә тәрбияләнүчеләр, гомуми белем бирү учреждениеләре укучылары «Мәктәптә футбол» программасы буенча ел әйләнәсендә яраткан спорт төре белән шөгыльләнү мөмкинлегенә ия булдылар.