Зәй-2 бистәсендә «Хәтер шәмнәре янсын»дигән митинг узды

Хәтер һәм кайгы көнендә Зәйнең тарихи үзәгендә «Хәтер шәмнәре янсын» дигән митинг узды. Традиция буенча 1 нче мәктәп укучылары, «Каенкай», «Яшьармиячеләр» балалар бакчасында тәрбияләнүчеләр, хакимият, Зәй туган якны өйрәнү музее, район мәдәният йорты хезмәткәрләре "Бөек Ватан сугышында һәлак булган Зәйнең улларына һәм кызларына» һәйкәле янында җыелдылар. 11 мең 600 якташыбыз Ватан алдындагы изге бурычларын үтәделәр. 2800 фронтовик орден һәм медальләр белән бүләкләнде. 7410 зәйле сугыш кырыннан әйләнеп кайтмады. Совет халкы 1418 көн һәм төн дәвамында немец-фашист илбасарларына каршы көрәшнең авырлыгын үз җилкәләрендә сынады. 1941 елның 22 июнь иртәсеннән алып 81 ел узды, ә безнең хәтер кабат шул кырыс сугыш елларына әйләнеп кайта. Зәй шәһәре башлыгы урынбасары Недошивина Елена Владимировна үзенең чыгышында Бөек Ватан сугышының әһәмиятен, аның истәлеген ничек сакларга, тарих дәресләрен дөрес аңларга кирәклеген билгеләп үтте. Ястребова Арина үзенең яшьтәше Таня Савичева турында «9 юлчы» шигырен укыды. Митингта катнашучылар һәлак булучыларны бер минут тынлык белән искә алдылар, һәйкәлгә чәчәкләр салдылар һәм хәтер шәмнәре кабыздылар.