Район башлыгы объектларны ремонтлау һәм төзү барышын тикшерде

Бүген район башлыгы Разиф Кәримов капиталь ремонт һәм төзелеш объектларын карап чыкты. Чарада шулай ук Башкарма комитет җитәкчесе Эмиль Галиев, район Башкарма комитеты җитәкчесенең инфраструктура үсеше буенча урынбасары Ренат Хаҗипов, подрядчы оешма һәм җаваплы хезмәт вәкилләре катнашты. Тикшерү барышында «Безнең ишегалды» программасын һәм «Күпфатирлы йортларны капиталь ремонтлау» программасын тормышка ашыру буенча эшләр каралды. Шулай ук «Якты Кондыз» балалар бакчасына, хатын-кызлар консультациясенә, Зәй хастаханәсенең азык-төлек блогына, татар гимназиясе, Сәвәләй һәм Якты Күл мәктәпләренә капиталь ремонт ясау, шәһәр һәм районның юл-урам челтәрен ремонтлау эшләренең барышы белән таныштылар. Район башлыгы эшләрнең сыйфатын һәм үтәлү вакытын контрольдә тотарга кушты, җаваплы затларга тиешле йөкләмәләр бирде.