Бакчада ял

«Радость» халыкка социаль хезмәт күрсәтү комплекслы үзәгенең социаль хезмәткәрләре җылы көннәр җитү белән, саф һавада «Демография» милли проекты кысаларында гамәлгә кертелә торган озак вакытлы тәрбия системасының социаль пакетында каралган прогулкалар һәм социаль-тернәкләндерү чаралары үткәрә башлады. Саф һавада йөрү- өлкән яшьтәге кеше өчен сәламәтләндерүнең иң гади һәм нәтиҗәле ысулларының берсе. Җәяүләп йөрүләр иммунитетны ныгытырга, организмның гомуми торышын яхшыртырга ярдәм итә, үз-үзләрен ничек хис итүгә һәм гомер озынлыгына уңай йогынты ясый. Еш кына өйдә даими булу депрессиягә китерә. Йөрү кәефне яхшырта һәм тынычланырга ярдәм итә. Социаль хезмәтләр алучыларга «Бакчада һәм скверда ял» дигән чара ошый. Ул ике этапта үткәрелә. Башта турыдан-туры бакча яисә сквер буйлап йөрү бара. Монда барысы да тәрбияләнүченең кайда яшәвенә бәйле: шәһәрдә яки авыл җирлегендә, һәм нинди ландшафт объекты өйдән ерак түгел урнашкан. Ә соңыннан күргәннәре турында фикер алышу: тирә-якта нинди агачлар үсә, алар нинди хуш исле, һава торышы, киләчәк уңышка фаразлар белән бәйле нинди халык билгеләре бар. Әңгәмә барышында өлкән яшьтәгеләр туган ягыбыз турында шигырьләр һәм җырлар, табигать, яшьлекләренең кызыклы вакыйгаларын искә алалар. Шулай итеп, социаль хезмәткәрләр өлкәннәрне физик һәм психологик яктан савыктыралар, коммуникатив сәләтләрне саклап калуны тәэмин итәләр. Бабайлар һәм әбиләрнең урамда йөргәннән соң тәннәрендә көч пәйда була, кәефләре күтәрелә, йокылары яхшыра.