Зәйдә пар җирләрен эшкәртүне дәвам итәләр

Зәй муниципаль районы аграрчылары чиста һәм сидераль культуралар чәчелгән пар җирләрен эшкәртүне дәвам итәләр. Сидератлар биологияләштерүнең иң кулай ысулы булып тора, алар туфракның структурасын яхшырта, азот белән баета һәм чүп үләннәренең үсешен киметә, шул ук вакытта өслектә компост формалаша, туфрак юу һәм эрозиядән яклана. Көз көне бу басуларда көзге бодай чәчү планлаштырылган. Парларның мәйданы 17 мең га тәшкил итә, шуларның 8 мең гектары сидераль, 19 агрегат җәлеп ителгән. Эш дәвам итә.