Зәй халыкны эш белән тәэмин итү үзәгендә бизнес-планнарны бәяләү буенча эксперт советының чираттагы утырышы узды

Зәй шәһәренең халыкны эш белән тәэмин итү үзәгендә 15 июньдә үз эшен ачарга теләгән эшсез гражданнарның бизнес-планнарын карау буенча эксперт советы утырышы узды. Эксперт советы түбәндәге эшчәнлек төрләре буенча 2 бизнес-планны карады: «Кием һәм текстиль эшләнмәләрне ремонтлау», «Сарыклар үрчетү һәм үстерү». Эксперт советы каралган бизнес-планнарның икесен финанслауга тәкъдим итте. Бизнес-планнарына уңай тәкъдим алган эшкуарлар Татарстан Республикасы бюджетыннан үз эшләрен оештыруга 145100 сум күләмендә финанс ярдәме алачак.