Яшьләр эшләре идарәсе Сабантуйда милли уеннар оештырды

ТР буенча Федераль казначылык идарәсе территориясендә кечкенә сәхнә урнаштырылган иде, анда DJ Ali, Кавер-төркем чыгыш ясады, ә иң искиткеч эмоцияләрне профессиональ фокусчы бүләк итте. Бәйрәм чыгышларыннан соң 14 яше тулган балаларга, шулай ук «Ел хатын-кызы. Ел ир-аты: хатын-кыз карашы» республика конкурсына йомгак ясалды. Һәм, әлбәттә, һәр Сабантуй милли уеннардан башка узмый. Яшьләр эшләре буенча идарә белгечләре бәйрәм кунаклары өчен кабат традицион уеннар үткәрде: суда һәм корыда капчык белән сугышу, вертикаль багана, суда һәм корыда авыш багана, кашык һәм йомырка белән йөгерү, чүлмәк вату, көянтә белән йөгерү, капчык белән йөгерү, тәңкә алу. Уеннарда катнашучылар барысы да призлар алды, ә төп бүләкләргә 16,5 метр биеклектәге вертикаль багана үрен яулаган катнашучылар ия булды. Кызлар, малайлар һәм аларның әти-әниләре өчен шулай ук аквагрим һәм чәч үрү оештырылган иде.