"Сабантуй гүзәле -2022" конкурсында Илсөяр Солтанова җиңүче булды

Төп сәхнәдә «Сабантуй гүзәле-2022»конкурсында җиңүчеләрне бүләкләү булды. Сайлап алу турын узган районның 9 гүзәле үз-үзләрен тәкъдим итә белүдә көч сынашты. Сабантуй гүзәле дип Илсөяр Солтанова игълан ителде, калган 8 катнашучы төрле номинацияләрдә җиңүче булды. Спорт мәйданчыгында көн дәвамында милли көрәш, гер спорты, авыр атлетика һәм башка спорт төрләре буенча ярышлар, балалар мәйданчыгында - балалар Сабантуе, «милли уеннар» мәйданчыгында халык уеннары үткәрелде һәм аларда катнашучылар бик күп булды. "Мирас", «Азаль», «Бәллүр» триосы, Татарстанның халык артисты Гүзәл Уразова, Зәйдә туып-үскән якташларыбыз Марат Галимов, Айдар Сөләйманов, Ясминә һәм татар эстрадасы артистлары Равилә һәм Радик Шәрипҗановлар Сабантуй кунакларына үзләренең иң яхшы концерт номерларын бүләк иттеләр.