Район башлыгы Р. Г. Кәримовның Сабантуй бәйрәме белән котлавы!

Хөрмәтле зәйлеләр һәм шәһәр-районыбыз кунаклары! Ихлас күңелдән сезне татар халкының иң күркәм бәйрәмнәреннән берсе - Сабантуй бәйрәме белән котлыйм! Чәчү эшләренең уңышлы тәмамлануын чагылдыручы борынгы бәйрәм Сабантуй безне тарихи тамырларыбызга һәм милли гореф-гадәтләргә кайтара, буыннарның рухи бәйләнешен тәэмин итә һәм без мул уңышка өмет итәбез. Анда бер-береңә карата үзара хөрмәт, уртак хезмәт шатлыгы һәм авыр крестьян хезмәте белән икмәк үстерүчеләргә, туган җирен яратучыларга, азык-төлек иминлеген тәэмин итүчеләргә рәхмәт сүзләре үрелеп бара. Бүген без язгы кыр эшләрен уңышлы тәмамлау өчен үзеннән зур өлеш керткән авыл хуҗалыгы тармагы хезмәткәрләренә зур рәхмәтебезне белдерәбез, хезмәт батырларын данлыйбыз, бәйрәм мәйданында төрле яшьтәге һәм төрле милләт кешеләрен берләштергән халык мәдәнияте байлыгына сокланабыз. Зәебезнең 370 еллык юбилей елында Сабантуй кабат үзенең кабатланмас колоритын күрсәтеп, районыбыз тормышында истә калырлык вакыйга булып калыр. Сабантуй бәйрәме алга таба да безнең бердәмлек, киләчәккә ышаныч символы булсын, һәр йортка бәхет, иминлек, онытылмаслык һәм якты тәэсирләр алып килсен! Чын күңелдән барыгызга да ныклы сәламәтлек, күңел тынычлыгы, басуларда мул уңыш, өстәлләребездә муллык һәм баш өстендә тыныч күк йөзе телим!