Үзәк балалар китапханәсенең иҗат төркеме башкала экран иҗаты фестивале призына лаек булды

Башкаланың Фән һәм мәгариф департаменты ярдәмендә оештырылган “Мәскәү хыяллар корабы” экран сәнгате фестивале 2002 елдан бирле үткәрелә. Аңа һәр елны нәтиҗәләр 1 июньдә, Халыкара балаларны яклау көнендә ясала. Быел Строгино балалар иҗат үзәге илебезнең төрле почмакларыннан 600гә якын кунакны үзенә җыйды, анда Зәй үзәк китапханәсенең балалар иҗат берләшмәсе вәкилләре дә чакырылган иде. Фестивальдә ел саен 20 меңләп бала һәм яшүсмер ике дистәдән артык төрле номинациядә көч сынаша. Бу – мультфильм, кыска метражлы яисә документаль фильм, видеоклип, видеоблог, притча, китап трейлеры, бер минутлык кино һәм башка юнәлешләр. Анда иҗади коллектив өченче ел рәттән катнаша һәм ел саен бүләккә ия була. Бу юлы алар тагын бер баскычка күтәрелеп “Арт-хаус” номинациясендә “Планеталар парады” фильмы белән беренче бишлеккә кереп, лауреат һәм номинант дипломнарына ия булдылар.