Зәйдә балаларны яклау көне: рәсемнәр конкурсы, самокатларда ярышу, иң креатив бишек

1 июнь-Балаларны яклау көне уңаеннан, «Энергетик» мәдәният йорты каршындагы мәйданда елның иң яңа бәйрәме узды. 1 июньдә табигать җылы кояшлы көн бүләк итсә, икеләтә бәйрәм була чөнки җәйнең беренче көнендә күп кенә илләрдә Халыкара балаларны яклау көне билгеләп үтелә. Яшьләр эшләре буенча идарә белгечләре балалар өчен иң күңелле конкурслар оештырдылар. Гадәти булмаган «Кечкенә спринтер», “Самокат Ралли” конкурсларында нәниләр һәм аларның әти-әниләре бик теләп катнаштылар. Конкурс нәтиҗәләре буенча Батаевлар гаиләсе 3 нче, Казаковлар гаиләсе 2 нче урынны алды, Чаллы гаиләсе мактаулы 1 нче урынга лаек булды, ә махсус приз белән биш бала тәрбияләүче Нечаевлар гаиләсе бүләкләнде. Чара ахырында балалар туңдырма алды, ә конкурста катнашучыларның барысына да бәйрәмдә актив катнашкан өчен бүләкләр һәм дипломнар тапшырылды.