Зәй районының терлек азыгы әзерләү техникасы һәм аны саклау урыннары 2022 елгы сезонга әзер

1 июньдә Зәй муниципаль районы башлыгы Р.Г. Кәримов, Татарстан Республикасы Авыл хуҗалыгы һәм азык-төлек министрлыгының «Терлекчелектә нәсел эше буенча баш дәүләт авыл хуҗалыгы идарәсе» ДКУ башлыгы урынбасары Г.С. Баязитов, Татарстан Республикасы Авыл хуҗалыгы һәм азык-төлек министрлыгының АПК бүлегенең терлекчелек объектларын механикалаштыру һәм энергия ресурслары секторының әйдәүче белгече И. Р. Гарипов, Татарстан Республикасы Зәй районы авыл хуҗалыгы һәм азык-төлек идарәсе башлыгы һәм белгечләре, Дәүләт техник күзәтчелек бүлеге башлыгы, АҖ “Агрокөч” баш инженеры Р.Н. Хәлиуллин составындагы комиссия, 2022 елгы азык әзерләү техникасын һәм терлеккә азык әзерләү урыннарын карады. Агрофирмалар бу мәсьәләгә бик җаваплы карадылар. Быел 3 терлек азыгы җыю комплексы: печән чабу, тырмалау, ваклап төяү, ташу һәм төюче техника тупланачак һәм тулы куәтенә эшләячәк. Шулай ук бөтен яшел масса 100% үлчәү аша үтәчәк. Бу ел үзенчәлекле – соңарып килгән салкын яз азык культураларын урып-җыюга үзгәрешләр кертте, шуңа бәйле рәвештә, яшел масса җитәрлек булмау сәбәпле, терлеккә азыгы әзерләүгә 10-12 көнгә соңга калып керешү планлаштырыла. Комиссия 5 азык җыю комбайнын, Ягуар, Джон-Дир, 18 чапкычны, 11 печән әйләндерү тырмасын, 20 печән пресслаү җайланмасын карады. Тикшерү барышында сусыл азык саклау өчен траншеяларының әзерлегенә, техника куркынычсызлыгы, хезмәтне саклау, янгын куркынычсызлыгы чараларын үтәүгә аерым игътибар бирелде. Механизаторларны хезмәт хакы шартлары белән таныштырдылар. Быел терлек азыгы әзерләүгә бәя төрле эш төрләре буенча 5-75 % ка артты. Комиссия билгеләп үткәнчә, Зәй районында терлеккә азык җыю техникасының әзерлеге югары дәрәҗәдә башкарылган, барлык өч азык җыю отряды да сенаж салуга керешергә әзер. Тикшерү нәтиҗәләре буенча 1че урын «Зәй шикәре» Агрофирмасына , 2че урын – « Восток» Агрофирмасына, 3 урын - «Зәй»Агрофирмасына бирелде. Азакта, район башлыгы Рәзиф Галиевич аграр хезмәткәрләренә сенаж салу буенча нәтиҗәле эш алып баруларын, нигез салу технологиясен үтәп, эшне ике атна дәвамында тәмамларга кушты.