Район башлыгы Разиф Кәримов Зәй ГРЭСында булды

Бүген район башлыгы Разиф Кәримов Зәй ГРЭСында булды. Разиф Галиевич районның финанс-бюджет палатасы рәисе П.А. Байрашев белән бергә электростанциянең инвестиция эшчәнлеге белән танышты, анда «ПГУ энергоблогы төзелеше»проекты өстенлекле булып тора. Хәзерге вакытта генераль подрядчы - Төркия ЭНКА компаниясе төзелеш мәйданчыгында булачак энергоблокның фундаментын төзүне дәвам итә. Төзүчеләр өчен шәһәрчек төзелде, анда бер үк вакытта 1300 кеше яши ала, инженер-техник хезмәткәрләр өчен административ корпус, 6 торак корпус, вакытлыча юллар һәм инженерлык коммуникацияләре булдырылды. Очрашу барышында район башлыгы предприятиенең җитештерү күрсәткечләре белән дә танышты, директорга электр энергиясе эшләп чыгару буенча план күрсәткечләрен арттырып үтәгән өчен рәхмәт белдерде.