Район башлыгы Р.Г. Кәримовның Россия эшмәкәрлеге көне уңаеннан котлавы

Хөрмәтле эшмәкәрләр! Сезне Россия эшкуарлары көне белән котлыйм! Бүгенге көндә бизнесның активлыгы Зәй муниципаль районының социаль-икътисади үсешендә мөһим фактор булып тора. Сезнең көндәлек эшчәнлегегез өстәмә эш урыннары булдыру, төрле дәрәҗәдәге бюджетларга салым керемнәрен арттыру, товарлар һәм хезмәтләр ассортиментының киңәюе, торак пунктларны төзекләндерү, хәйриячелектән гыйбарәт. Район территориясендә кече һәм урта бизнес субъектлары үсеше буенча уңай динамика күзәтелә: 327 кече һәм урта эшмәкәрлек субъекты, 1031 шәхси эшмәкәр, 3 урта предприятие, 2194 үзмәшгуль теркәлгән. Районда кече һәм урта эшмәкәрлекне үстерү буенча муниципаль программа гамәлгә ашырыла, анда районның инвестицион җәлеп итүчәнлеген үстерүгә, эшмәкәрлек субъектларының дәүләт һәм муниципаль сатып алуларда катнашуын активлаштыруга басым ясала. Иң катлаулы чорларда да уңышка ирешергә мөмкинлек бирә торган энтузиазм, энергия, үҗәтлек, инициативалык, җирле үзидарә органнары белән нәтиҗәле хезмәттәшлек һәм ярдәмегез өчен рәхмәт сүзләрен кабул итегез. Сезгә чын күңелдән сәламәтлек, бәхет, иминлек, бизнеста ышанычлы партнерлар, тотрыклы керемнәр, перспективалы бизнес-проектларны уңышлы тормышка ашыруыгызны телим!