"Көнкүреш калдыклары кыры" экологик уены

«Урман әкияте» балалар бакчасында «ЭКОяз -2022» республика акциясе кысаларында урта төркем тәрбиячесе «Көнкүреш калдыклары кыры!» дигән экологик уен үткәрде. Уенның максаты: мәктәпкәчә яшьтәге балаларны әйләнә-тирәлекнең чүп-чар белән пычрануы проблемасына җәлеп итү. Уен барышында балалар чүпне икенчел эшкәртү һәм сортировкалау төшенчәсе белән таныштылар. Предметның нинди материалдан ясалган булуын ачыкларга һәм шуннан чыгып, чүп-чарны сортларга аерырга өйрәнделәр. Чүп-чарны аерым җыеп, табигатькә ярдәм итәргә мөмкин булуын белделәр.