«Китапка икенче тормыш бүләк итик-бер агачны коткарыйк»

Бүген «Алтынчәч» балалар бакчасында «Китапка икенче тормыш бүләк итик - бер агачны коткарыйк» дигән экологик акция узды. Әлеге дәреснең максаты булып балаларның әйләнә-тирәлекне саклау өлкәсендә актив позициясен формалаштыру, табигатькә сак караш, аның байлыгын саклау, агачларга сак караш тәрбияләү торды. Тәрбиячеләр балалар белән бергә китапларны ремонтлау буенча остаханә оештырдылар, анда иске китапларны «дәваладылар»: битләрен ябыштырдылар, матур итеп тектеләр. Мондый дәресне үткәрү балаларда китапка сакчыл караш тәрбияли, чөнки табигатькә мәхәббәт һәм аңа карата кайгыртучан мөнәсәбәт балаларда өлкәннәр ягыннан көндәлек, игътибарлы һәм кайгыртучан мөнәсәбәт мисалларын күргәндә генә барлыкка килә.