«Теплица могҗизалары»

«Бөртеккәй» балалар бакчасында күп еллар инде теплица бар. Бу балаларны үсемлекләрнең үсү шартлары белән таныштыру өчен менә дигән вариант, ул балаларда күзәтүчәнлек, кызыксынучанлык үсешенә ярдәм итә, аларда авыл хуҗалыгы хезмәтенә кызыксыну һәм алар белән шөгыльләнүче кешеләргә хөрмәт тәрбияли. Иртә яздан теплицада балалар бакчасы хезмәткәрләре балалар белән бергә балалар бакчасы өчен чәчәк үсентеләре үстерәләр. Ә хәзер теплицага үсентеләр утыртырга вакыт җитте. Балалар теплицада үсә торган помидор, кыяр, баклажан, болгар борычы, карбыз һәм кавын үсентеләрен зур теләк белән карыйлар һәм күзәтәләр. Һәр төркемнең, теплицадан тыш, үз эксперименталь түтәлләре бар, аларда балалар редис, салат, укроп, суган, кишер һәм чөгендер үстерү буенча ярышалар. Балалар бакчасы территориясендә урнашкан теплица тере лаборатория булып тора. Бу-табигатьне белү чыганагы. Биредә тәрбияләнүчеләрнең үсемлекләр, аларның биологик үзенчәлекләре һәм үстерү технологияләре турында белемнәре киңәя, тирәнәя, ныгый бара. Тәрбияче белән бергә мәктәпкәчә яшьтәге балалар үсемлекләр үстерәләр, аларны карыйлар, аларның үсеше турында конкрет күзаллаулар алалар. Теплицада эшләү балаларга файдалы хезмәт күнекмәләрен алырга мөмкинлек бирә. Бакчаның булуы баланың табигать объектлары белән турыдан-туры бәйләнешен тормышка ашырырга, табигать белән «тере» аралашу, аларны карау һәм практик эшчәнлек алып барырга ярдәм итә. Нәкъ менә биредә, теплицада, җиргә – илнең төп байлыгына, шулай ук табигатькә сакчыл караш формалаша.