Мәгариф оешмалары җитәкчеләренең семинар-киңәшмәсе

Бүген 2нче мәктәп базасында район башлыгы Разиф Кәримов катнашында «Тәрбия һәм белем бирү системасын үстерү векторлары һәм заман таләпләре» темасына мәгариф оешмалары җитәкчеләренең семинар-киңәшмәсе узды. Мәктәп коллективы «Үсеш ноктасы» табигый-фәнни һәм технологик юнәлештәге үзәк эшен тәкъдим итте, «Умырзая», «Робототехника», «Яшь тикшерүче», «Юл хәрәкәтенең яшь инспекторы» түгәрәкләре эшен тәкъдим итте. Доклад белән Зәй муниципаль районы мәгариф идарәсе җитәкчесе Сәфәргалиев Эрнст Рәис улы чыгыш ясады. Уку елы тәмамлануга йомгак ясалды, мәгарифне үстерү векторлары билгеләнде, дәүләт имтиханнарын үткәрүне оештыруга аерым игътибар бирелде. Очрашуда өстәмә докладчылар: “Кояшкай” балалар бакчасы мөдире Павлова Әклимә Илдар кызы, шулай ук “Р.Ш. Фәрдиев исемендәге татар гимназиясе” директоры Хәсәншин Рафаэль Мөнәвир улы чыгышлары тыңланды. Укытучылар өчен ноутбуклар тапшыру турында яңалыкны “Ак барс Банк" офисы җитәкчесе Якупова Инзилә Фәиз кызы җиткерде. Цифрлаштыру елында район һәм шәһәр укытучылары өчен банк 175 ноутбук бүләк итте. Семинар-киңәшмәгә район башлыгы Разиф Кәримов йомгак ясады.