Зәйдә «Җиңүгә 77 километр» дигән спорт-патриотик акциясе узды

2022 елның 22 апреленнән 8 маена кадәр Татарстан Республикасы Зәй муниципаль районында халыкка патриотик тәрбия бирүгә, Ватанны саклаучылар истәлеген мәңгеләштерүгә, сәламәт яшәү рәвешен пропагандалауга, җиңел атлетиканы популярлаштыруга юнәлдерелгән «Җиңүгә 77 километр» дигән спорт-патриотик акциясе узды. Акция икенче ел рәттән үткәрелә һәм «Демография» милли проектының төп бурычларын тормышка ашыра. Акциядә катнашучыларның барысы да 22 апрельдән 8 майга кадәр 77 километр йөгереп узарга тиеш иде. Йөгерешләрнең маршрутын һәм вакытын катнашучылар мөстәкыйль рәвештә сайлады, ә дистанцияләрне стартта бирелгән сертификатта теркәделәр. 3 километрга финал йөгереше «Энергия» стадионында узды. Акциядә катнашучыларның берсе - Зәй районында «ГТО» Бөтенроссия физкультура – спорт комплексының тест үзәге җитәкчесе Регина Волкова үз фикерләре белән уртаклашты: «Әлеге акция халыкның спорт белән шөгыльләнүгә тартылуын арттырырга мөмкинлек бирә, чөнки җиңел атлетика-теләсә кайсы яшьтә шөгыльләнергә мөмкин булган иң кулай спорт төре». Финал йөгерешендә 48 кеше катнашты. Барлык катнашучыларга истәлекле бүләкләр тапшырылды.