Зәйдә Бөек Җиңү көненә багышланган җиңел атлетика эстафетасы узды

Бүген «Энергия» стадионында Бөек Ватан сугышында Җиңүнең 77 еллыгына багышланган традицион җиңел атлетика эстафетасы узды. Эстафета ел саен балалар, ата – аналарда Ватанны саклаучылар һәм Бөек Ватан сугышында катнашучылар истәлегенә хөрмәт тәрбияләү, үсеп килүче буынга патриотик тәрбия бирү, сәламәт яшәү рәвешен пропагандалау, Зәй муниципаль районында җиңел атлетиканы популярлаштыру, иң көчле командаларны ачыклау максатыннан үткәрелә. Быел эстафета 54 нче тапкыр үткәрелде. Гомуми белем бирү мәктәпләре командалары арасында 1 урынны 4 нче мәктәп командасы, 2 урынны - 7 нче мәктәп командасы, 3 урынны - 6 нчы мәктәп командасы яулады. Предприятие, оешма һәм учреждениеләр командалары арасында 1 урынны- Зәй ГРЭСы командасы, 2 урынны- физик культура, спорт һәм туризм идарәсе командасы, 3 урынны Зәй политехника көллияте командасы алды. Бүләкләү тантанасында Зәй муниципаль районы башлыгы урынбасары Уразайкин Петр Сергеевич катнашты. Җиңүчеләр һәм призерлар медальләр, грамоталар һәм истәлекле сувенирлар, һәр төркемдә 1 урын алган командалар күчмә кубок белән бүләкләнде. Ярышларда барлыгы 6 гомуми белем бирү мәктәбе командасы һәм шәһәр предприятиеләре һәм учреждениеләренең 5 командасы катнашты.