Район башлыгы Р.Г. Кәримовның 9 Май - Бөек Җиңү көне белән котлавы

Кадерле Бөек Ватан сугышы ветераннары, тыл хезмәтчәннәре, хөрмәтле зәйлеләр! Сезне барыбыз өчен дә изге һәм бөек бәйрәм - Бөек Ватан сугышында Җиңүнең 77 еллыгы белән котлыйм! Җиңү көне - Бөек Ватан сугышы елларында Ватан азатлыгын һәм бәйсезлеген фидакарьләрчә саклаган халкыбызның үлемсез батырлыгы турында хәтер ул. Сугышчыларыбызның ныклыгы һәм батырлыгы, иң югары идеалларга һәм биргән антларына тугры булуы безнең һәм киләчәк буыннар өчен Ватанга мәхәббәт үрнәге булды һәм шулай булып кала да. Батырлыклары, дошманны җиңүләре, имин тормышыбыз өчен ветеран-фронтовикларга, тыл хезмәтчәннәренә чиксез рәхмәтебезне белдереп, алар алдында баш иябез. Зәйлеләрнең һәр буыны җиңүчеләрнең олы батырлыгын хәтерлиләр, без илебез иминлеге өчен һәлак булган солдатларны һәм хәзерге вакытта исән булган ветераннарны хөрмәтлибез, күпмилләтле халкыбыз батырлыгына сокланабыз. Бөек Ватан сугышы елларында Зәйдән 11600 кеше фронтка киткән, аларның 7410сы туган якларга әйләнеп кайтмаган, мәңгегә яу кырында ятып калган. 2800 якташыбыз хәрби медальләр һәм орденнар белән бүләкләнгән. Якташларыбыз Григорий Федотович Ларионов, Николай Иванович Майков - Советлар Союзы Геройлары, Александр Афанасьевич Васильев - Дан орденының тулы кавалеры, әлеге каһарманнарыбыз, чын мәгънәсендә, халкыбызның зур горурлыгы, рухи ныклыгы һәм мактанычы. Совет солдатларының батырлыгы, фидакарьлеге һәм ныклыгы нәтиҗәсендә без тыныч тормышта яшибез, эшлибез, иҗат итәбез, киләчәккә планнар корабыз һәм иртәгәсе көн турында зур ышаныч белән уйлый алабыз. Бу үзенчәлекле көндә без сугыш ветераннары һәм бүген илебез иминлеге сагында торучы солдатларга зур хөрмәтебезне белдерәбез. Барыгызны да милли горурлык һәм бердәмлек символы булган Бөек Җиңү көне белән котлыйбыз! Җиңү, безнең тыныч тормышыбыз өчен рәхмәт сезгә, кадерле сугыш ветераннары, тыл хезмәтчәннәре, һәлак булган фронтовикларның тол хатыннары һәм балалары. Сезгә сәламәтлек һәм озын гомер, гаиләләрегезгә иминлек һәм бәхет, тыныч һәм якты көннәр насыйп булсын. Донецк һәм Луганск Халык Республикаларын яклау буенча махсус хәрби операциядә катнашып, Россиянең иреген, намусын һәм абруен саклаучы егетләребезнең исән-имин кайтуларын телим. Бөек Җиңү көне белән! Тирән ихтирам белән, район башлыгы Разиф Кәримов.