Район башлыгы Р.Г. Кәримовның 1 Май - Яз һәм Хезмәт бәйрәме белән котлавы

Хөрмәтле зәйлеләр һәм шәһәр-районыбыз кунаклары! Сезне чын күңелдән 1 Май - Яз һәм Хезмәт бәйрәме белән котлыйм. Яз һәрвакыт яңарышны һәм яхшыга омтылышны гәүдәләндерә, ә намуслы хезмәт һәр кеше, гаилә, җәмгыятьнең уңышлы үсешенә нигез булып торды һәм бу шулай булып кала да. Бу көнне без хезмәт кешесен данлыйбыз. Бердәм эш, туган җиребез турында кайгырту һәм үз йортыбызга мәхәббәт белән без иртәгесе көнне, кече Ватаныбызның, республикабызның, гомумән, илебезнең иминлеген тәэмин итәбез. Бу якты язгы бәйрәм кешеләрнең бердәмлеге һәм теләктәшлеге символы булып тора. Без бүгенге көннең икътисади нигезен салган хезмәт ветераннарына, шулай ук бүген Зәй муниципаль районы үсеше өчен хезмәт куючыларга рәхмәтле. Безнең уртак эшебез нәтиҗәсендә районыбыз тагын да матурланыр һәм төзекләнер дип ышанам. Барыгызга да бәхет, сәламәтлек, гаилә иминлеге, тотрыклылык, туган районыбыз хакына нәтиҗәле эш телим. Май бәйрәмнәре якыннарыгыз һәм дусларыгыз очрашу шатлыгы белән тулып, ел буена җитәрлек энергия бирсен! Бәйрәм белән! Хөрмәт белән, муниципаль район башлыгы Разиф Кәримов.