«Без бакчада төрле төстәге чәчәкләр утырттык"

Балалар бакчасындагы клумба балаларга экологик тәрбия бирү өчен кирәкле шартларның берсе булып тора. «Бөртеккәй» балалар бакчасында тәрбияләнүчеләр хезмәткәрләр белән бергә табигать почмагында бархатцы, петуния, яран гөлләрен чәчтеләр. Тәрбиячеләр балаларга үзләренә участокта утырту өчен чәчәк үсентеләрен үстерергә тәкъдим иттеләр. Балаларга үсемлекләрнең үсешен күзәтү кызык. Алар орлыкларның беренче тишелеп чыгуын түземсезлек белән көттеләр, беренче үсентеләргә куандылар. Хәзер балалар көн саен үзләре утырткан чәчәкләрнең ничек үсүен, төн эчендә үсеп җиткәнме-юкмы икәнен карарга ашыга. Нәтиҗәдә, балаларның үзләренә сизелмичә генә үсемлекләрнең җылылык, яктылык, дым һәм туфракка бәйле булуы турында төгәл күзаллаулары формалаштырыла; үсемлекләр, чәчәкләр турында күзаллаулар киңәя; үсемлекләрне карарга өйрәнә; кеше хезмәтенә аңлы дөрес мөнәсәбәт формалаша. Чәчәк түтәлендәге коллектив хезмәте җаваплылыкка өйрәтә, хезмәт күнекмәләрен үстерә, балаларны берләштерә. Иң мөһиме, балалар үз хезмәтләренең җимешләрен күрә һәм нәтиҗәдән зур ләззәт ала алалар.