Район башлыгы азык-төлек сәнәгате предприятиеләрендә булды

Бүген район башлыгы Разиф Кәримов район Башкарма комитеты җитәкчесенең икътисади үсеш, сәнәгать, сәүдә һәм эшмәкәрлеккә ярдәм итү буенча урынбасары Розалия Архипова, халыкны эш белән тәэмин итү үзәге директоры Екатерина Андреева белән берлектә «Зәй икмәге» ҖЧҖ һәм «Зәй крекер» ЯАҖдә булды. Предприятие җитәкчеләре Анатолий Шалафаев һәм Денис Кукушкин белән агымдагы проблемалар, шул исәптән хезмәткәрләрне тулы булмаган эш атнасы режимына күчерү яисә кыскартуларны булдырмый калу турында фикер алыштылар, шулай ук дөнья базарындагы агымдагы вәзгыятькә бәйле федераль һәм региональ ярдәм чаралары хакында сөйләштеләр. Әлеге предприятиеләрдә штатлар кыскарту һәм вакытлыча эш белән тәэмин итә алмауга бәйле хәвеф-хәтәрләр көтелми, хезмәт хакы үсешенең билгеле бер динамикасы бар. Җитәкчеләр инвестицион проектлар белән уртаклаштылар, чималны сатып алу мәсьәләләрен карадылар. Район башлыгы Разиф Кәримов әзер продукциягә бәя кую мәсьәләләре буенча йөкләмәләр бирде, шулай ук әлеге предприятие җитәкчеләре политехник көллиятне тәмамлаучылар өчен оештырылган махсуслаштырылган вакантлы эш урыннары ярминкәсенә чакырылган иде.