«Җир шары - безнең чиста йортыбыз»

Экологик икеайлык кысаларында «Алтынчәч» балалар бакчасында икенче кечкенәләр һәм уртанчылар төркеме балалары «Җир шары - безнең чиста йортыбыз» дигән темага күмәк аппликация эше башкардылар. Икенче кечкенәләр төркеме балалары керпе ясадылар, керпенең энәләрен көнбагыштан ябыштырдылар. Уртанчылар төркеме балалары эш барышында төрле материаллар кулландылар: кояш – тары ярмасы, планета – пластилин, болыт – мамык, чәчәкләр – кабак орлыклары, тукранбаш чәчәге. Балалар бик теләп катнаштылар. Коллектив эш балаларыбызның уртак йортыбызга карата сакчыл караш турында белемнәрен һәм күзаллауларын баетырга мөмкинлек бирде.