Зәйнең 370 еллыгына багышланган тантаналы чара

Бүген «Энергетик» мәдәният сараенда Зәйнең 370 еллыгына багышланган тантаналы чара узды. Чара «Зәйгә рәхим итегез»дип аталган массакүләм вокаль-хореографик номер белән башланып китте. Тамашачыларга (алар арасында шәһәр мәктәпләренең 5-6 сыйныф укучылары да бар иде) Зәйнең истәлекле урыннары, аның сәнәгать, авыл хуҗалыгы куәте, төзекләндерү, социаль-мәдәни объектлары тәкъдим ителде. Бәйрәм белән район башлыгы Разиф Кәримов исеменнән зәйлеләрне шәһәр башлыгы урынбасары Елена Недошивина котлады. «Улыбка», «Магия», «Каприз», «Легенда», «Бәхет» хореография ансамбльләре, «Мирас», «Азаль», «Лель», «Звездочки» вокаль ансамбльләре тамашачыларны туган шәһәр юбилеена багышланган костюмнар төрлелеге һәм репертуары белән сөендерделәр. Зәйлеләр үзләренең кече ватаннарын ярата, һәм һәркем аның алга таба үсешенә үз өлешен кертә.