«Язгы бакча» экологик акциясе

Иң яхшы ачыш- бала үзе ясаган ачыш. Яз көне һәр гаиләдә диярлек әниләрнең яки әбиләрнең тәрәзә төбендә гаҗәеп яшел үсемлекләр, төрле формадагы һәм төсле тартмаларда үсентеләр үсә, тик гадәттә балаларга бу кызыклы үсентеләрне карарга ирек бирмиләр. Ә балаларда кызыксыну бик көчле, алар үзләре дә шундый могҗизалы үсемлекләр утыртуга, су сибүгә, аларны тәрбияләүгә каршы килмәсләр иде. Экологик тәрбия-мәгариф системасында мөһим юнәлешләрнең берсе. Мәктәпкәчә яшьтәге балаларга экологик белем бирүдә практик, тикшеренү эшчәнлеге зур роль уйный, аның нәтиҗәсендә балалар табигатьне яратырга, күзәтергә, кайгыртырга өйрәнә, безнең җирнең, суларга ярдәм итүче генә түгел, авырулардан да дәвалый торган үсемлекләрсез яши алмавын аңлый. «Тылсымлы әкият» балалар бакчасының “Энҗе бөртекләре” төркемендә тәрбияләнүчеләр- иң кечкенә бакчачылар, тәрбияче белән берлектә әлеге акциядә иң беренчеләрдән булып катнашырга булдылар һәм үз төркемендә кечкенә бакчаларын булдырдылар. Бакчада эшләү- бик күңелле шөгыль, бигрәк тә язын, бөтен дөнья яшеллеккә күмелгәндә яки беренче язгы чәчәкләр калкып чыкканда. Нәкъ менә мәктәпкәчә яшьтә табигатькә һәм табигый күренешләргә карата уңай хисләр салына, үсемлекләр дөньясының гаҗәеп күптөрлелеге ачыла, кеше тормышында табигатьнең роле беренче тапкыр аңлана. Кечкенә бакчада нәниләр үзләре утырткан үсемлекләрне үзләре карап үстерә алачак.