Көндезге бүлектә иҗади очрашу узды

6 апрельдә Зәй муниципаль районының «Шатлык» комплекслы социаль хезмәт күрсәтү үзәге базасында өлкән яшьтәге гражданнар һәм инвалидлар өчен көндезге бүлектә социаль хезмәт алучылар Кузьмин Андрей Анатольевич иҗаты белән якыннанрак таныша алды. Кузьмин Андрей «Шатлык» комплекслы үзәгендә елдан артык йөри. Башта ул көн группасында шөгыльләнде. Бүлек ачылганнан соң үзәктә үз үсешен дәвам итте. Андрей актив яшәү рәвеше алып бара. Ул иҗат белән шөгыльләнә: картиналар яза, җырлар җырлый, шигырьләр иҗат итә. Берничә тапкыр үз эшләренең күргәзмәләрен оештырды, мәктәп укучылары өчен мастер-класслар үткәрде һәм конкурсларда катнашып призлы урыннар яулады.Ул үсәргә һәм яңаларын өйрәнергә ярата, шуңа күрә тернәкләндерү программасын уңышлы үти.Андрей гаиләсе ярдәме белән, 25 еллык юбилеена аның шигырьләр җыентыгы дөнья күрде. Нәкъ менә шушы җыентык көндезге бүлектә тәрбияләнүчеләргә тәкъдим ителде. Андрей шигырьләрен укыды һәм үзенең уйлары белән уртаклашты. Аның лирикасы тирән мәгънәгә ия.«Без миллионлаган» инвалид кешеләр турындагы шигыре аеруча тәэсирләндерде. Анда шагыйрь үз хис-тойгыларын гына түгел, ә «миллионлаган» хис-тойгыларны бирә алган, әсәр бик эчкерсез һәм хисчән килеп чыккан.