Экология буенча "Табигать сакчылары" квест - уены

“Алтынчәч” балалар бакчасында экологик икеайлык кысаларында зурлар һәм мәктәпкә әзерлек төркеме балалары белән экология буенча "Табигать сакчылары" дигән квест - уен үткәрделәр. Балаларга үзләренең белемнәрен, җитезлек, көч, кыюлыкларын күрсәтергә кирәк иде. Уен барышында алар урман җәнлекләре, агачлар, үсемлекләр турында белемнәрен кабатладылар, табигатьтә үз - үзеңне тоту кагыйдәләрен искә төшерделәр, төрле уеннар аша күзәтүчәнлек, табигаткә сак караш, аның матурлыгын һәм байлыгын саклауга җаваплылык тәрбияләделәр. Уен балаларга бик ошады, алар теләп һәр уенда катнаштылар.