Электрон документ әйләнеше-үзара хезмәттәшлекнең заманча һәм ышанычлы ысулы

Хөрмәтле район халкы! Россия Федераль салым хезмәтенең Татарстан Республикасы буенча идарәсе бизнес вәкилләрен электрон документ әйләнеше – хезмәттәшлекнең заманча һәм ышанычлы ысулына-күчәргә чакыра. Бүгенге көндә электрон документ әйләнеше тагын да үтемлерәк санала, чөнки хәзер квалификацияле электрон имзаны (КЭП) теләсә кайсы салым органында бушлай алырга мөмкин. Электрон имза хәзер иң киң кулланылышта. Дәүләт хакимияте органнары һәм контрагентлар белән документлар әйләнешен тәэмин итү, салым һәм бухгалтер хисаплылыгын тапшыру өчен кулланыла яки дәүләт хезмәтләре порталында кулланыла ала. Эшкуарларга һәм оешма җитәкчеләренә электрон култамганың квалификацияле ачкычын алу өчен салым органына паспорт, СНИЛС, USB-(төп мәгълүматны йөртүче) тапшырырга һәм идентификацияләү процедурасын узарга кирәк. Култамга чыгаруга гаризаны “Шәхси кабинет" аша онлайн рәвештә бирү уңайлырак. Инспекциягә баруны алдан ук «Салым органына кабул итүгә онлайн язылу» сервисы аша башкарырга мөмкин. Бер үк вакытта, салым түләүчене идентификацияләү процедурасын уңайлы итү һәм тизләтү өчен, электрон документ әйләнеше операторлары култамга чыгаруга гариза тутыра һәм аны электрон рәвештә салым органына җибәрә алалар. Бу култамганы алу вакытын кыскарту мөмкинлеге бирә. Тулырак мәгълүмат Россия Федераль салым хезмәте рәсми сайтының «Электрон имза алу тәртибе» промо-битендә урнаштырылган (nalog.gov.ru). Шулай ук Россия Федераль салым хезмәтенең Бердәм контакт-үзәгенә 8-800-222-2222 телефоны буенча мөрәҗәгать итәргә мөмкин.