Югары сыйфатлы орлык материалы - уңышны арттыруда төп факторларның берсе

Орлыкчылык һәм үсемлекләрне яклау инспекциясе белгечләре чәчү кампаниясенә әзерлек буенча актив эш алып баралар. Орлыкларның сыйфатын, аларның дымлылыгын, тишелешен билгеләү, корткычларга тикшеру - бүгенге көндә мөһим эш булып тора. Югары сыйфатлы орлык материалы - уңышны арттыруда төп факторларның берсе. Зәй районы хуҗалыкларында чәчүгә әзерлек тыныч режимда бара, бөртекле һәм кузаклы культуралар орлыклары белән тәэмин ителеш 100% тәшкил итә. Хәзер район хуҗалыкларында маржиналь культуралар: кукуруз, шикәр чөгендере, көнбагыш һәм рапс орлыклары белэн тәэмин итү эшләре алып барыла. 2022 ел уңышы өчен кукуруз орлыгына ихтыяҗ 5081 чәчү берәмлеген тәшкил итә, шуларның 90% ы хуҗалыкларда. Калган өлеше контрактлаштырылган һәм якын арада хужалыкларга кайтачак. Шикәр чөгендере орлыгы белән тәэмин ителеш – 100% (ихтыяҗ 11579 ч. б.), орлыклар шикәр заводына кайтартылган. Көнбагыш орлыгына ихтыяҗ-1089 чәчү берәмлеге, контрактларга кул куелды, партияләр әлегә Татарстан Республикасында, хуҗалыкларга кайтарту шушы көннәрдә башланачак. 31 мартка "Россельхозцентр" ФДБУнең Татарстан Республикасы филиалы Зәй район бүлеге белгечләре 4695 ч.б. техник культуралар орлыгының, шул исәптән 4561 ч.б. кукуруз гибридының чәчү сыйфатын тикшерде. Үткәрелгән анализ орлыкларның Р 52325-2005 Гостына туры килүен күрсәтте. Шулай ук «Россельхозцентр» ФДБУнең Татарстан Республикасы филиалы Зәй район филиалы белгечләре китерелгән һәр сорт һәм орлыкларның һәр партиясе Казанга сынау лабораториясенә җибәрелә. Анда орлык материалын агулау сыйфатына анализ ясалачак.