Зәйдә санитар-экологик икеайлык буенча киңәшмә узды

Бүген хакимиятнең зур залында Зәй муниципаль районында язгы санитар-экологик икеайлык үткәрү мәсьәләсе буенча киңәшмә узды һәм аның 1 апрельдән 31 майга кадәр үтәчәге расланды. Киңәшмәне район Башкарма комитеты җитәкчесе Э.Э Галиев алып барды. Башкарма комитет карары белән эшләрне координацияләү өчен эшче төркем төзелде һәм төп чаралар планы расланды. Шәһәр һәм район предприятие, оешма һәм учреждениеләренә билгеле бер зоналар буенча якын-тирә мәйданчыкларны җыештыруда катнашырга тәкъдим ителде. Һәр чәршәмбе һәм җомга икеайлык кысаларында санитар көннәр дип билгеләнгән, эшне кар чистартудан башларга киңәш ителде. 23 апрель территорияләрне санитар чистарту көне дип игълан ителде. Зәйлеләрне санитар-экологик икеайлыкта актив катнашырга чакырабыз!